ବିବିଧ-ପାଠ-୧ |
|
ଘୃଣା |
ସୀମା |
ରାଶି |
କାଶୀ |
ଶୋଭା |
କୃପା |
ହାନି |
ଯୂଥ |
ସୁଖୀ |
କୋକିଳ |
ଷୋଡ଼ଶ |
ମୋହିନୀ |
ଏକାକୀ |
ପିପାସା |
ଆକୃତି |
ସୋପାନ |
ଦୟାଳୁ |
ମେଧାବୀ |
ନିଷେଧ |
ସକାଳ ହେଲାଣି । ଉଠ, ମୁଖ ଧୁଅ । ଶୀତଳ ପବନ ବହୁଅଛି । ବାହାରେ
ଟିକିଏ ବୁଲିଆସ । ବଗିଚାରେ କେତେ ଫୁଲ ଫୁଟିଅଛି । ଆହା, ଫୁଲ କିପରି
ବାସୁଅଛି । କାଉ ବୋବାଉଅଛି । ଘରଚଟିଆ ଏଠାରୁ ଉଡ଼ି ସେଠାରେ ବସୁଅଛି ।
କଜଳପାତି ଗଛଉପରେ ବସି ରାବୁଅଛି । କୋଇଲି କୁହୁ କୁହୁ ଡାକୁଅଛି । ଆସ,
ପୋଥି ଘେନି ପାଠଶାଳାକୁ ଯିବା । ସେଠାରେ ମନ ଦେଇ ପାଠ ପଢ଼ିବା, ଗୁରୁ
ଯାହା କହିବେ ତାହା ଶୁଣିବା ।
|
ବେଳ ବୁଡ଼ିଲାଣି । ଗୁରୁ ମେଲାଣି ଦେଲେଣି । ଚାଲ ଘରକୁ ଯିବା । ଘରେ ପୋଥି ଥୋଇଦେଇ
ମା ଯାହା ଖାଇବାକୁ ଦେବେ ତାହା ଖାଇବା । ଖାଇସାରି ଲୁଚକାଳି ଖେଲିବା । ଖେଳିସାରିଲେ
ବାପା ଯାହା କହିବେ ତାହା କରିବା । ଦିନବେଳେ ଯାହା ପଢ଼ିଥିବା, ରାତିରେ ତାହାକୁ
ଆଉଥରେ ପଢିବା । ପଢିସାରି ଭାତ ଖାଇ ଶୋଇବା ।
|
ରେବତୀର ଘରେ ଢୋଲ ବାଜୁଅଛି । ଗୌରୀ ପୋଥି ପଢୁଅଛି ।
|
ମୋର ଦୁଇଟି ଆଖି, ଦୁଇଟି କାନ, ଦୁଇଟି ହାତ ଓ ଦୁଇଟି
ଗୋଡ ଅଛି । ଆଖି ନଥିଲେ କିଛି ଦିଶେ ନାହିଁ । କାନ ନ ଥିଲେ କିଛି ଶୁଭେ
ନାହିଁ । ହାତ ନ ଥିଲେ କିଛି କାମ କରି ହୁଏ ନାହିଁ । ଗୋଡ ନଥିଲେ ଚାଲି ହୁଏ ନାହିଁ ।
ମୁଁ ଜିଭରେ କଥା କହେ ଓ ଯାହା ଖାଏ ତାହା ମିଠା, କି ଖଟା, କି ପିତା, କି କଷା ଜାଣିପାରେ ।
|
ମୁଁ ଡାହାଣ ହାତରେ ପୋଥି ଧରିଅଛି । ବାଁ ହାତରେ ଛତା ଧରିଅଛି ।
ମୋ ମଥାରେ କଳାକେଶ, ଆଈ ମଥାରେ ଧଳାକେଶ । ମୋ ନାକରେ ଦୁଇଟି
ପୁଡ଼ା । ନାକ ପୁଡ଼ା ବାଟେ ପବନ ଯା ଆସ କରୁଛି । ମୋ ପିଠିରେ ଗୋଟାଏ ଘା
ହୋଇଥିଲା, ଶୁଖିଗଲାଣି ।
|
ତୁ, ତୁ, ତୁ ଡାକିଲି ମୁହିଁ,
ଦୌଡ଼ି ଆସିଲୁ କୁକୁର ତୁହି ।
ଆଉଁସି ଦେବିରେ ଦେହ ତୋହର,
ଖାଇବାକୁ ଦେବି ଭାତ ମୋହର ।
ମୋ କଥା ମାନିବୁ ଜାଣଇ ମୁହିଁ,
ଯେଣେ ଯିବି ମୁହିଁ ଯିବୁରେ ତୁହି ।
|
ଜାଇ, ଯୁଈ, ମଲ୍ଲୀ, ମାଧବୀ, ମାଳତୀ,
ଗୋଲାପ, ନିଆଳୀ, କେତକୀ, ସେବତୀ ।
ନାନା ଜାତି ଫୁଲ ଦେବି ତୋତେ ଆଣି,
ଦେଖି ତୁ ହସିବୁ ଆରେ ଧନମଣି ।
|
ଗାଇ ବାଛୁରି ଆସ ଆସ, ଖାଇବ ପରା ଦୁବଘାସ ।
ମୋ ପାଖରେ ହୁଅ ଛିଡ଼ା, ଖାଇବ ଯେବେ ଘାସ ବିଡ଼ା ।
|
ଆ'ରେ ମୋର ପୁସି, ଖା'ରେ ଯେତେ ଖୁସି ।
ଦୁଧ ଭାତ ମିଠା, ଖାଇବୁ ଘି ପିଠା । |
 |
|
|
|
|
